ပြည်လုံးကျွတ် သန်းခေါင်စာရင်းကောက်ခံရာတွင် ဇိုဟူသောမျိုးနွယ်စုအမည်ဖြင့် စာရင်းမှန်ရရှိနိုင်ရန် ဖေဖော်ဝါရီ ဒုတိယပတ်အတွင်းတွင် ဇိုမျိုးနွယ်စုများ အများဆုံးရှိသော မြို့နယ်မျုားသို့ သွားရောက်ကာ စည်းရုံးမှုများ ပြုလုပ်သွားမည်ဟု ဇိုမျိုးနွယ်စုကိုယ်စားပြု ဦးကမ်းခင်းဒါးလ်က ပြောသည်။
ဇိုမျိုးနွယ်စုများအနေဖြင့် ပထမဦးဆုံး ကလေးမြို့သို့ သွားရောက်ပြီး လူထုနှင့်တွေ့ဆုံ၍ စည်းရုံးမှုများ ပြု လုပ်မည်ဖြစ်ပြီး သန်းခေါင်စာရင်းကောက်ခံရာတွင် ဇိုလူမျိုးစု၏ ကုတ်နံပါတ်အမှန်ကို ပြောပြကာ တစ်မြို့ နယ်တွင် ကိုယ်စားလှယ်သုံးဦးဖြင့် သန်းခေါင်စာရင်းတွင် ဖြည့်မည့်ပုံစံကို ပြသမည်ဖြစ်သည်။
“ကျွန်တော်တို့ လူဦးရေတစ်ဦးတစ်ယောက်ကိုမှ မမှားစေချင်ဘူး။ မှားရင် ကျွန်တော်တို့ပဲ ဆုံးရှုံးနစ်နာ မှာ။ ဒါကြောင့် စည်းရုံးရေးဆင်းတာပါ”ဟု ဇိုမျိုးနွယ်စုကိုယ်စားပြု ဦးကမ်းခင်းဒါးလ်က ပြောသည်။
လူမျိုးစုစာရင်း ကုတ်နံပါတ် ၄၂၄ ပိုင်ရှင် တီးတိန်လူမျိုးများသည် လူမျိုးစုစာရင်းကုတ်နံပါတ် ၄၂၁ ပိုင်ရှင် ဇိုလူမျိုးအမည်နောက်တွင် မီးကို ပြန်ထည့်ကာ ဇိုမီးလူမျိုး ကုတ်အသစ် ပြန်လည်လျှောက်ထားလိုခြင်း သည် သူတစ်ပါးကို ထိခိုက်စေခြင်း၊ အနိုင်ကျင့်ခြင်းသာ ဖြစ်သောကြောင့် ဒီမိုကရေစီ၏ အနှစ်သာရဖြစ် သော လူ့အခွင့်အရေးကို ချိုးဖောက်မှုနှင့် ဇိုလူမျိုးတို့ကိုယ်စား ချင်းလူထုက လုံးဝကန့်ကွက်သည်ဟု ထုတ်ပြန်ချက်မှာ ဖော်ပြထားသည်။
“ဇိုလူမျိုးဆိုတာ အရင်ကတည်းကရှိတယ်။ ZCD ပါတီက ဇိုလူမျိုးကို ဇိုမီးလူမျိုးလို့ သတ်မှတ်ကြေညာတဲ့ အတွက် ကန့်ကွက်တာပါ။ ဇိုလူမျိုးကို ဖျက်ပစ်မယ့်သဘောလို့ ခံစားရတယ်။ လက်မခံနိုင်ဘူး။ ဇိုကို ဇိုမီး လို့ သုံးစွဲတော့မယ်ဆိုရင် လက်မခံနိုင်ဘူး”ဟု ဦးကမ်းခင်းဒါးလ်က ပြောသည်။
ချင်းပြည်နယ်ရှိ လူမျိုးနွယ်စုများ အားလုံးကို ချင်းလူမျိုးဟုခေါ်တွင်ရန် စည်းစည်းလုံးလုံး သဘောတူညီ ချက်ကို ဖောက်ဖျက်ကာ လူမျိုးစုစာရင်း ကုတ်နံပါတ် ၄၂၄ ပိုင်ရှင် တီးတိန်လူမျိုးများသည် ချင်းလူမျိုးဟု မခေါ်တွင်လိုဘဲ ခွဲထွက်လိုခြင်းသည် ပြည်ထောင်စုတိုင်းရင်းသားတို့၏ ညီညွတ်ရေးကို ပျက်ပြားစေမည် ဖြစ်သောကြောင့် ချင်းလူထုကလုံးဝကန့်ကွက်သည်ဟု ဇိုတစ်မျိုးသားလုံးကိုယ်စားပြု ထုတ်ပြန်ချက်တွင် ပါရှိသည်။
ဇိုမျိုးနွယ်စုများသည် ၁၉၆၀ ပြည့်နှစ် နောက်ပိုင်းတွင် ချင်းပြည်နယ်၊ တီးတိန်မြို့နှင့် တွန်းဇံမြို့တို့မှ စစ် ကိုင်းတိုင်းအတွင်းရှိ ကလေးမြို့နယ်နှင့် တမူးမြို့နယ်များသို့ ပြောင်းရွှေ့နေထိုင်ခဲ့ကြခြင်း ဖြစ်သည်။
Mizzima
No comments:
Post a Comment